第四篇-Billy
-
恭喜林口3房🎉🎉
-
延續上一篇
-
呢組客人都係隔離完左
就搵我哋幫手租屋
仔仔嚟緊就會黎台灣讀大學
於是就想租個近少少嘅屋企
又係3房連傢俬、新樓連車位
當時客人都有俾佢既心水樓盤我睇睇
一打過去問...就出租左
之後就跟返類似客人心水既樓盤俾佢揀
搵左10間左右，客人就選左其中4間去睇
打電話問既時候得返3間
咁就約實去睇啦
個日原本約左1點既
但因為我時間預得太緊
導致我幫完上一位客人簽完約再去返林口站嘅時候
就已經遲左半個鐘了🙏🏻
第一間就4房，都有10多年左右樓齡，室內差不多30坪
岩岩就轉手俾投資客
投資客就諗住大翻新嘅
話就話都會加入住戶要求去規範
但咁虛無縹緲嘅野就廢事搏啦...
畢竟客人仲要住成年
客人最後表示太大了，暫時一個人住會驚，所以就冇考慮到
第二間就3房連車，傢俬都有齊曬
屋主仲請左設計師佈置屋企，整到成個示範屋咁
當然個啲飾物就唔包嘅，之後就會收返嘅
屋入面啲傢俬都係牌子嘢，冷氣都係新換嘅
後尾都有再換過洗衣機同埋馬桶俾客人
睇完客人都幾喜歡但想睇埋最後個間先再決定
睇完樓因為第3間個agent拎走左個鎖匙去左第二到簽約
中間等左差唔多一小時
呢個屋主就好好人咁話車埋我地介紹一下林口
於是就兜左我地走左一轉，最後放左我地係林口outlet
(我第一次坐保時捷🤭)
去到第3間啦，一入到去不禁倒抽一口涼氣
我同客人對望左一眼，大家點下頭
好快咁行入去一轉就即刻出返黎
一句聲都冇出過
即刻鎖返門落到大堂先夠膽講野
之後就決定要租第二間
後尾就順利簽約
其實呢間都係屋主新買返黎
連屋契都未有，但有產權證明佢買左呢到
銀行都批左按揭，石仔都覺得冇問題先簽
最後就陪埋客人申請埋手機上網
申請中華電信月繳plan
就要俾2900保證金/台灣朋友做擔保
之後就揀適合自己嘅月費啦
預繳差不多6個幾月既電話費
就會送部電話俾你
不過就大陸牌子
後記
＃有咩依郁
＃拔腿狂奔
Search